Jukwaa la uziduaji lajivunia miaka 10 ya mabadiliko, mijadala yenye tija

Meneja miradi waa Taasisi ya HakiRasilimali Lucy Shao amesema miaka 10 ya Jukwaa la Uziduaji imechochea utekekelezaji na mabadiliko ya Sera mbalimbali zinazosimamia rasilimali za nchi.

Akizungumza katika jukwaa la 10 Shao amesema jukwaa hili ambo huandaliwa kila mwaka na HakiRasilimali linajivunia kuwakutanisha watu na kuibua mijadala yenye tija kwa taifa na ni matumaini yake kuwa hilo litaendelea kwa miaka ijayo.

"Kwa miaka yote jukwaa hili limekuwa na mchango mkubwa wa kuleta mabadiliko ya kisera na kukuza utekelezaji wa sheria na sera zilizopo, sheria na sera nyingi zimechambuliwa hapa na tumeona matokeo kupitia mabadiliko mbalimbali ambayo yamefanywa," amesema Shao.

Alitaja miaongoni mwake kuwa ni sheria ya usuluhishi wa migogoro ya uwekezaji na ile ya mapitio ya mikataba lakini pia kanuni zinazosimamia maslahi ya wazawa katika maeneo yenye rasilimali.

Akizungumzia mafanikio zaidi Shao alisema wakati Taasisi ya Hakirasilimali inaanza ilikuwa ni wanachama 6 tu lakini sasa mtandao wake umetanuka unawanachama 19.